OverStortinget

Det er litt spesielt å høyra på dette svaret, eitt år etter at Senterpartiet gjekk ut av regjering, fordi me meinte Arbeidarpartiet var på ville vegar i kraftpolitikken. Det er fint å snakka om noregspris, men det hjelper ikkje norske bedrifter at privatkundar har det. Realiteten er at me har stor eksport, me har låg magasinfylling, me har høge straumprisar for næringslivet, og svært mange passar ikkje desse fastprisavtalane for. Då er spørsmålet mitt: Er beskjeden frå regjeringa til norske bedrifter at dette må dei berre leva med, eller ønskjer ein å gjera systemgrep, andre grep, for å få ned straumprisane til norske bedrifter?