OverStortinget

Framstegspartiet dreiv valkamp med pompøst sjølvskryt om deira kamp mot byråkratisering. Realiteten er at politikken til Framstegspartiet er ein politikk for meir byråkrati. La meg ta nokre eksempel: Framstegspartiet splitta opp jernbanen i Noreg i ei rekke selskap, direktørar og byråkrati. Passasjerane står igjen på perrongen. Framstegspartiet stemte i vår mot å avvikla det byråkratiske organet Regelrådet. Framstegspartiet er for detaljstyring og rettsfesting av samfunnet, òg der det gjev meir byråkrati. Sylvi Listhaug snakkar mot byråkrati, men i praktisk politikk er Sylvi Listhaug gudinne for byråkratiet. Kvifor er det så langt mellom liv og lære når det gjeld politikken Framstegspartiet har for avbyråkratisering? Dette kan minna om eit ròtent kinderegg, for å bruka Listhaugs eigne ord.