OverStortinget

Noreg treng fleire arbeidsplassar. Me har ei stor moglegheit til å utvikla ny, grøn industri. Eitt konkret prosjekt er Billerud Vikens fibermassefabrikk i Hønefoss. Det er no tre år sidan dåverande næringsminister Jan Christian Vestre og statsminister Jonas Gahr Støre besøkte fabrikken og sa at dette såg ut til å vera gode greier. Dei lovde òg at det skulle vera ei rask behandling av søknaden om utsleppsløyve. Tre år seinare er det framleis rask behandling av utsleppsløyvet. Me står i fare for å mista eit viktig norsk industriprosjekt som byggjer på skogen. Spørsmålet mitt til næringsministeren er: Vil ho sørgja for at Billerud Viken får løyva sine og kan starta opp denne viktige produksjonen?