OverStortinget

Me har denne debatten i ei verd som har vorte farlegare. Senterpartiet meiner at me i ein sånn situasjon må gjera det me kan for å byggja opp vår nasjonale matberedskap og sikra at me får auka norsk matproduksjon. Når ein ser på Framstegspartiets politikk, handlar han om å kutta hundretusenvis av kroner i statleg støtte til landets matprodusentar – mest til dei som produserer mest. I tillegg vil Framstegspartiet kutta grensevernet for norsk mat. Det vil gjera at matprodusentane våre får dårlegare betalt. I sum vil dette svekkja den norske matberedskapen. Eg nærmast berre lurer på kvifor Framstegspartiet synest det er ein god idé å byggja norsk matberedskap på auka import av mat.