OverStortinget

Innovative anskaffingar er viktig. Ein sentral del av dette har vore det såkalla leverandørutviklingsprogrammet, som er eit partnarskap mellom KS, NHO og statlege etatar. Regjeringa føreslo store kutt i dette i statsbudsjettet, og dette var òg tema i budsjettforhandlingane, der Senterpartiet fekk gjennomslag for viktige merknadar. No veit me at usikkerheita rundt leverandørutviklingsprogrammet gjer at tilsette er i ferd med å slutta, og heile denne satsinga står eigentleg på spel. Då er mitt spørsmål: Kan statsråden bekrefta at regjeringa arbeider ut frå intensjonen om i størst mogleg grad å vidareføra det gode arbeidet i leverandørutviklingsprogrammet, og at ei avklaring om dette kjem innan kort tid?