OverStortinget

La meg starta med å unnskylda presidenten litt, for eg trykte nok først på innlegg når eg meinte replikk, men no vart dette ordna opp i. Eg vil inn litt på det som står i rapporten om kosthaldsråda. Då Senterpartiet sat i regjering saman med Arbeidarpartiet og kosthaldsråda kom i 2024, var det veldig viktig at dette skulle vera basert på kosthald og helse, og at klima- og miljøomsyn ikkje skulle inngå som ein del av råda. Det trur eg er veldig fornuftig, særleg når ein veit kor viktig det er å styrkja matberedskapen i Noreg. Eg har eigentleg berre lyst til å forsikra meg om at det er beredskap og landbruk i heile landet som framleis ligg til grunn for landbrukspolitikken til regjeringa – at kosthaldsråda framleis er baserte på helse og ikkje er eit verkemiddel for klima og miljø i jordbruket.