OverStortinget

Eg tolkar det som ein positiv respons. Eg skal gå inn på eit anna tema, for det vart sagt i innlegget at ein skal leggja til rette for at det kan koma inn nye aktørar. Isolert sett kan ein vera positiv til det, men ein har på sett og vis to val: Anten kan ein føra ein politikk for å få inn nye aktørar, eller så kan ein retta hovudinnsatsen mot å styrkja konkurransen mellom dei tre aktørane som me har i dag. Om det å få inn nye aktørar inneber f.eks. at utanlandske kjeder skal koma med ei mengd importerte varer, så er Senterpartiet litt skeptisk til det. Mitt spørsmål er: Har regjeringa hovudfokus på konkurransen mellom dagens tre kjeder, eller er hovudsporet å bidra til at nye aktørar kjem inn på marknaden?