OverStortinget

I går var eg og besøkte Rørosmeieriet – ein fantastisk produsent av lokalmat som viser at lokalmat er verdiskaping, næring og arbeidsplassar. Rørosmeieriet opplever stor etterspørsel etter økologisk mjølk, og dei opplever vanskar med å få nok økologisk mjølk. Eg trur eg er einig med landbruksministeren i at det å ha eit eige forholdstal for økomjølk er ein veldig dårleg idé, men parti som er opptekne av å ta vare på desse grunnleggjande ordningane i landbruket, må òg vera opptekne av å løysa problem når dei oppstår. Ei veldig enkel løysing her er å suspendera eller fjerna overproduksjonsavgifta på mjølk resten av året. Er det eit forslag landbruksministeren vil gjennomføra for å sikra at me får ut det potensialet til å produsera økomjølk i ein situasjon der etterspørselen er større enn tilbodet?