OverStortinget

Eg vil fyrst berre beklaga at eg ikkje er så flink til å snakka til presidenten som statsråden Sandtrøen er, som eg berre ser ryggen av, her han står. Me meiner det kan vera ei god løysing å fjerna denne overproduksjonsavgifta. Så forstår eg motviljen mot det, men då har eg lyst til å utfordra litt: Ein har lyst til å gjera noko anna, det forstår eg, men kva er det ein tenkjer kan gå galt viss ein gjer dette, og er det noko som stimulerer marknaden kunstig som kanskje er ein årsak til den etterspørselen ein har? Eg er berre nysgjerrig på om statsråden kan forklara meg kvifor han ikkje ønskjer å ta ut det potensialet som ligg der, noko ein kan gjera med eit såpass enkelt grep, og som er med og sikrar ei god regulering rundt mjølkesektoren.