OverStortinget

Eg trur me langt på veg er einige når det gjeld nordisk samarbeid – og nordeuropeisk samarbeid, som eg er glad for at utanriksministeren nemner – i sikkerheitspolitikken. Det er fullt mogleg i dag, og det er lurt å styrkja det. La oss halda på den einigheita, i alle fall. Eg veit ikkje om utanriksministeren rakk å svara heilt på spørsmålet mitt om kvifor det er sånn at me ikkje kan jobba for få unntak og tilpassingar i f.eks. energipolitikken, som jo er av vital interesse for Noreg, der me i dag importerer EU sin feilslåtte energipolitikk og prisane på kraft, som er i ferd med å underminera industrien vår. Er det ikkje mogleg å jobba for å få gode tilpassingar og unntak i det forholdet me har til EU i dag? Kvifor må me venta til me eventuelt skulle koma i medlemskapsprosess med å jobba for sånne unntak?