OverStortinget

Eg vil til temaet oppgradering og opprusting av infrastrukturen på Svalbard. Regjeringa har iallfall varsla at ein vil sette i gang eit arbeid på dette, og det støtter SV heilhjarta. Ei slik oppgradering og eit slikt stort arbeid som dette vil vera, vil òg vera ei unik moglegheit til å tryggja faste, heilårlege arbeidsplassar i Longyearbyen, men då må det etter SV si meining stillast krav om at oppdraga skal gå til leverandørar som har lokalt nærvær, i plassen for at ein vel leverandørar som kjem med arbeidsfolk og tenester på kortare oppdrag. Er statsråden einig i at det er smart å stilla den typen krav for å tryggja heilårlege, faste arbeidsplassar?