OverStortinget

Eg må berre seie at det einaste som kan fungere i dag, er taksameter. Det er den teknologien som ligg som kan ta den registreringa som skal til for å få ei kvit næring i drosjemarknaden. Det vert omtrent det same som ein butikk som har eit kasseapparat. Det må vere krav til utrustinga, og her er det det som gjeld. Eg føler likevel at eg ikkje heilt fekk svar på spørsmålet mitt, som rett og slett gjekk på lovvedtak 133 for 2024–2025, der dette med kontrollutrusting låg inne og har vore ute på høyring. Kvifor måtte statsråden då sende dette ut på nytt for så òg å forlengje prosessen, når det har vore på høyring før? Mange har omtalt det som heilt ok å kalle det ei kontrollutrusting, men vi veit at det per dags dato berre er taksameter som kan svare til dei krava skattemyndigheitene set.