OverStortinget

Mange har tatt til ordet og gitt inntrykk av at alle fagprofesjonane er imot eit forslag som kan gå i retning av å avvikla Helseplattforma, og dei har vist til Legeforeningen. På høyringa sa Legeforeningen at dei trudde at viss legane hadde kunna velja, var det ikkje nokon av dei som ville vidareføra det. Det dei anbefalte, var ein samfunnsmessig analyse, for det var ikkje tilrådeleg å avvikla Helseplattforma no. På NRK i dag var det ein lege som var referert med at det å skifta vekk frå Helseplattforma er som å kasta lenkene eller reimane, og at det er nydeleg å ha eit system som samarbeider, slik at legane kan fokusera på å sikra pasientane i staden for å måtta få datahjelp. Eg ber altså om at ein respekterer at det her faktisk er ulike syn, og at ein ikkje glorifiserer dei utfordringane som er i dag. (Innlegg er under arbeid)