OverStortinget

Det vart bl.a. gjort ei intern evaluering i regi av Sjukehusbygg HF i 2020, og i den rapporten stod det at dei tilsette formidla at det er behov for fleire arbeidsplassar i seksjonane, og at det er mangel på kontorplassar. I evalueringa kom det fram at dei tilsette ikkje nytta kantina i lunsjen på grunn av at det var store avstandar. Det kom òg fram at dei tilsette opplevde at medverkinga var mangelfull, og særleg når det kom kuttprosessar på slutten. For å seia det slik: Dette verkar kjent. Det er akkurat det same vi høyrer frå Drammen og frå Stavanger, og det er då fleire år etterpå – så vi har jo ikkje lært. Ser ikkje statsråden difor behovet for ei ekstern evaluering av sjukehusprosessane?